Í viku 27 keypti Kvika banki hf. („Kvika“ eða „bankinn“) 7.000.000 eigin hluti að kaupverði 125.525.000 kr. eins og nánar er greint frá hér á eftir:

Um er að ræða viðskipti bankans í samræmi við endurkaupaáætlun félagsins sem tilkynnt var um í Kauphöll þann 22. maí sl. og er gerð í samræmi við heimild hluthafafundar Kviku þann 21. mars 2024 og endurnýjuð á aðalfundi Kviku þann 26 Mars 2025.

Kvika hefur nú keypt samtals 79.800.000 eigin hluti samkvæmt áætluninni eða sem nemur 1,723% af útgefnum hlutum í félaginu. Nemur heildarkaupverð þeirra 1.374.792.500 kr. Eftir kaupin eru eigin hlutir Kviku samtals 214.210.410 hlutir eða sem nemur 4,626% af útgefnum hlutum í félaginu.

Endurkaup samkvæmt áætluninni munu nema að hámarki 2.500.000.000 að kaupvirði en aldrei fleiri hluti en 236.409.591. Hins vegar skal bent á tilkynningu Kviku frá 7. júlí 2025, þar sem fram kemur að ekki verði ráðist í frekari endurkaup á hlutabréfum Kviku á grundvelli núgildandi endurkaupaáætlunar á meðan á samrunaviðræðum á milli Kviku og Arion banka stendur.

Endurkaupaáætlunin er í gildi frá 22. maí 2025 til aðalfundar Kviku á árinu 2026 nema hámarks kaupvirði verði náð fyrir þann tíma.

Framkvæmd endurkaupaáætlunarinnar skal vera í samræmi við lög. þ.m.t. lög um hlutafélög nr. 2/1995, reglugerð Evrópuþingsins og ráðsins (ESB) um markaðssvik (MAR) nr. 596/2014 sem og framselda reglugerð framkvæmdastjórnar ESB (EU) 2016/1052 frá 8. mars 2016. sbr. lög um aðgerðir gegn markaðssvikum nr. 60/2021 sem tóku gildi á Íslandi 1. september 2021.

Nánari upplýsingar veita fjárfestatengsl Kviku á netfanginu fjarfestatengsl@kvika.is