Kvika banki hf.: Birting ársreiknings miðvikudaginn 11.febrúar
Source: GlobeNewswireÁætlað er að stjórn Kviku banka hf. samþykki ársreikning samstæðunnar fyrir árið 2025 á stjórnarfundi miðvikudaginn 11. febrúar og verður hann birtur eftir lokun markaðar.
Kynningarfundur fyrir hluthafa og markaðsaðila verður haldinn daginn eftir, fimmtudaginn 12. febrúar kl. 08:30, í höfuðstöðvum bankans á 9. hæð í Katrínartúni 2. Þar munu Ármann Þorvaldsson, forstjóri Kviku, og Eiríkur Magnús Jensson, fjármálastjóri, fara yfir uppgjör félagsins.
Fundinum verður streymt á íslensku en upptaka með enskum texta verður gerð aðgengileg síðar á vefsvæði Kviku.
Hægt er að senda tölvupóst með spurningum fyrir fundinn eða á meðan honum stendur á fjarfestatengsl@kvika.is
Fjárfestakynning sem verður farið yfir á fundinum verður gerð aðgengileg áður en fundurinn hefst.
